Почитувани студенти,
Ве информираме дека пријавувањето на испити за Јунска испитна сесија (редовна сесија) ќе се врши во период од 02.06.2025 - 09.06.2025 година. Потребно е сите студенти да пополнат пријави во службата на студентски прашања со приложена уплатница која ќе биде прикачена на секоја пријава (Ве молиме уплатниците да ги носите со себе, или во оригинал или направена копија во зависност од тоа колку испити ќе пријавите), секој работен ден од 12:00 -15:00 часот.
Јунската испитна сесија ќе се одржи во период од 16.06.2025 - 20.06.2025 година. Термините за полагање ги одредуваат професорите во договор со студентите.
Студентите кои ги положиле и двата колоквиуми, ќе треба да дојдат во службата за студентски прашања да пополнат пријава за испит за да може оценката да биде внесена во пријавата.
Напоменуваме, дека сите студенти кои нема да се придржуваат на горе наведените препораки нема да можат да полагаат испити во јунска сесија, ниту пак оценките од положените колоквиуми нема да можат да бидат озваничени.
Ве замолуваме за ажурност и редовност со пријавувањето, со цел непречено одвивање на испитната сесија.
НАПОМЕНА: Студентите кои се запишани на Факултет за психологија, Факултет за дентална медицина и Колеџ за медицинска козметологија и физиотерапија, пријавувањето на јунска испитна сесија ќе го направат во објект МИТ Универзитет во Кисела Вода.
Студентите кои се запишани на Факултет за правни науки, меѓународни односи, Факултет за безбедносни науки, Економски факултет и Факултет за архитектура, пријавувањето на јунска испитна сесија ќе го направат во објект МИТ Универзитет во Аеродром.
Со почит,
МИТ Универзитет